[center] هلي بحر الكرم صافي وردهم
مشوا عني وبعد ياهو اليردهم
لون كثر البجي ينفع واردهم
اضل ابجي لحد ما يردون الية
انا بكاروك حبك وانت هزني
صرت فرصة بحياتك وانتهزني
انا شجرة بمحبتك وانت هزني
وخلي الورد يتناثر علية
يمن وجهك بنص الليل لالة
شنو امك بالنساوة ششتهت لالة
من اكرب ليك ليش تصيح لالة
خايف لا تموع بين ادية
الك اجمل رسالة ابعث وارقها
حبرها دموعي و كليبي ورقها
يا المسبب سهر عيني وارقها
عزيز وشوفتك تصعب علية
الك ياما نبض كلبي ودكلك
واطحن بالحجي ناعم وادكلك
شكد باليوم امسجلك وادكلك
درمش بالجذب مرة علية
ثبت حبك بنص الكلب دورة
عزيز والك بالشريان دورة
اذا حبيت هاك الكلب دورة
واذا غيرك لكيت اعتب علية
فصوص العين فص يمي وفص لك
يمن يوسف انت اصلك وفصلك
تدري انا اللي خيطك وفصلك
وجبتك فيت ياليترهم علية
وحك من غنت الاطلال وانساك
ما تحلى الليالي بغير ونساك
وصوتك مو مثل كل صوت وانساك
ولا مر النسيان فد يوم بية
[center]
موضوع: ابوذيات بعدهة ما نازلة للسوك 
الجمعة أبريل 04, 2008 1:29 am
