ابـــــــــراج تحشيشية

ابراج تحشيشية

الجوزاء : يابة مثل ميكول عبد الحليم بقارئة الفنجان : طريقك مسدود و مصخم و مسود بس . لان دتحجي وية هذا الولد الموزين رح تسال ليش مو زين اكلك البارحة راح باك الفيديو سي دي مال ام محمود و عاف التلفزيون

العذراء : اكلك من هسه عوف سرة البانزين لان لو تطلع نخلة براسك مرح يوصلك السرة و خلي المولدة تشتغل على الهوة و نام بالحر و انسمط

الحوت : لتطلع وية جماعتك اليوم لان ادري بيك اذا تطلع فجفت للمنصور
لان رح يصير شكل انفجار يسوة عمرك و هم اذا تريد اكلك الخسائر هم اكلك
الخسائر : كيلوين طماطة و راسين بصل و احتمال بيذنجاناية

الاسد : بابا مو كلنه لهذا لتطلع فانته اخذ على روحك و لتطلع و اياك تفوت بهذا الشارع الي كبالك ترة منتظريك سلابة و ياخذون سيارتك و من خباثتهم يذبوك بالموصل و بلة فلوس و عود صير رجال و ارجع لبيتكم

الميزان : المفروض اليوم حلو الك فاخذ مرتك و طلعها وكلها من ابو الفلافل الي براس الشارع و رجعها ترة تكلبها نجف على راسك

الثور مو دقيتني دروح اشتري ال بي – ام الي صارلك اسبوع مخيل عليها بس اني انصحك و اكلك ترة ثاني يوم تكعد من النوم تلكة حتى الكاشي الي جواها مشلوع

القوس بصفتك كاعد عطال بطال لا شغل و لا مشغلة فاطلع رش الحديقة اشرفلك قبل متنلكف

الحمل : يعني انته شممكن تسوي هو انته حمل فخليك كاعد ببيتك و استر روحك ترة بس تطلع ابن الجيران لازم الماسحة متحلف ميهدها الة براسك ، انته جايز من روحك سويت ويا مشكلة

السرطان : ما طول المرة مسافرة فسوي الحفلة الي جماعتك وزوك عليها
و انته مسوي روحك شريف و تكللهم لا و انته اكثر واحد رايدها بس ها مو تصادق ترة انته خلصان و معجز مو وكتك راسا تموت

العقرب : طلع الحبَيبة اليوم وديها وكلها موطة من صيدا بس دير بالك اذا عندك شغلة بشارع الربيع اجلها لان صار انفجار و اذا تطب فلتحلم الحرس الوطني رح يخلوك تطلع

الجدي : يمعود صدك جذب عوف الترفك-لايت و عوف الجكاير و روح حوسملك فد جم مبردة و بيعهن و اشتريلك محل جكاير اذا هيج عاجبك الجكاير

الدلو : بابا هوة انته برج السطلة فاكثر شي ممكن اكولة لتمشي من يم اي شباك لتجيك سطلة مي تسبحك و انته بالشارع ابدال هذا المي المكطوع و يكون دوش يخلصك من الحر

عاشـــــــــــــــــــــت ايـــــــــــــدك رووووووووووووعة/رووووووووووعة